วันนั้นที่ด่านซ้าย
คำร้อง / ทำนอง สลา คุณวุฒิ
เรียบเรียง ธีระพงษ์ ศักดิ์แก้ว
จำได้อ้ายเอ๋ย ที่เมืองเลยอำเภอด่านซ้าย
ลมหนาวพัดเอิ้นเฮาไป เที่ยวแดนดอกฝ้ายนัดใจเจอกัน
ออกจากเมืองเลย ผ่านภูเรือนั่งรถบ่นาน
ก็ถึงอนุสรณ์สถาน ที่วันนั้นสองเฮาร่วมบูชา
พระธาตุสูงเฉียดฟ้า ก่อด้วยใจสองเมืองฮักมั่น
ลงนามว่าสิบ่รบกัน ของสองแผ่นดินไทยลาวนานมา
ชื่อศรีสองรัก แผ่บุญปกปักสองนครา
เกื้อหนุนไปพู้นกินปลา มาพี้กินข้าวไทยลาวฮักแพง
อ้ายพาเดินแงง หลังจากแต่งเครื่องของบูชา
ยังจำข้อห้ามที่ว่า อย่าบูชาด้วยดอกไม้แดง
สีแดงโลหิต พระธาตุเพิ่นขีดให้เป็นของแสลง
บอกถึงความเข้มแข็ง แห่งเจตนาบ่รบราฆ่าฟัน
ด่านซ้ายวันนั้น ดั่งวิมานของเฮาทั้งคู่
คำฮักที่ใจซ่อนอยู่ บอกให้กันฮู้พร้อมคำสาบาน
พระธาตุศรีสองรัก ให้ถือหลักบ่เข่นฆ่ากัน
สองเฮาร่วมให้คำมั่น สิบ่เฮ็ดให้กันเสียใจ
อ้ายพาเดินแงง หลังจากแต่งเครื่องของบูชา
ยังจำข้อห้ามที่ว่า อย่าบูชาด้วยดอกไม้แดง
สีแดงโลหิต พระธาตุเพิ่นขีดให้เป็นของแสลง
บอกถึงความเข้มแข็ง แห่งเจตนาบ่รบราฆ่าฟัน
ด่านซ้ายวันนั้น ดั่งวิมานของเฮาทั้งคู่
คำฮักที่ใจซ่อนอยู่ บอกให้กันฮู้พร้อมคำสาบาน
พระธาตุศรีสองรัก ให้ถือหลักบ่เข่นฆ่ากัน
สองเฮาร่วมให้คำมั่น สิบ่เฮ็ดให้กันเสียใจ