กินดองน้องเมีย - ศร สินชัย,ดอกอ้อ ทุ่งทอง,ก้านตอง ทุ่งเงิน

ชื่อเพลง

กินดองน้องเมีย

ศิลปิน

ศร สินชัย,ดอกอ้อ ทุ่งทอง,ก้านตอง ทุ่งเงิน

เนื้อเพลง กินดองน้องเมีย - ศร สินชัย,ดอกอ้อ ทุ่งทอง,ก้านตอง ทุ่งเงิน

รวมศิลปิน - กินดองน้องเมีย
คำร้อง/ทำนอง บุญล้อม คู่กะสังข์
เรียบเรียง สวัสดิ์ สารคาม
โอ่... เฮ้ว...
ศรีศรี มื้อนี้เป็นมื้อสันต์วันดี
มื้อเอาปลาเข้าหลี่เจ้า
มื้อเอาเสาลงหลุม
ให้อยู่แดงมีฮีให้อยู่ดีมีแฮงเด้อ ฮิ้ว..
(ศร) เสียงศรีศรี มื้อนี้เป็นวันดี
แต่เป็นวันที่ใจเฮาเสียศูนย์
หนานผักชีน้องเมียแม่เนื้ออุ่น
มันสิหมุ่นอุ้ยปุ้ยละน้อนาง
(ดอกอ้อ) เป็นหยังเฒ่าเจ้าทรงสีบ่ซื่น
เขาโฮแซวแตกหวึ่นหวึ่นเจ้าเป็นหยัง
งานกินดองน้องเฮาเขาสมหวัง
เจ้าบัดเป็นลายต่างมันแปลกตา
(ก้านตอง) บ่สบายตี้พี่อ้ายคือบ่ห่าว
บ่ดีใจนำน้าสาวแหน่บ่ค่ะ
ที่น้องนั้นสิได้เป็นฝั่งฝา
มาพี่อ้ายป้อนไข่น้องเขยแหน่
มาพี่อ้ายป้อนไข่น้องเขยแหน่
(ดอกอ้อ) หยับเข้ามาเฒ่าหยับเข้ามา
อย่าไปนั่งหน้าบูดหมู้หยู้อยู่ไกลหลาย
ฟ้าวเอาไข่มาป้อนเอาน้องเขยนิแหมหิไว
(ศร) ซักแง๊กแง๊ก ซักแง๊กแง๊ก
ซักแง๊กแง๊ก แหน่แหมเจ้าบ่าว
แค้นไข่ตาย แค้นไข่ตาย
แค้นไข่ตายต่อหน้าเจ้าสาว
กลางพาขวัญแหน่หนาแหน่หนา
(ดอกอ้อ) ห้วยเฒ่าคือว่าจั่งซั้น
(ศร) หาผัวทั้งเทือกะดาย
ได้คือจั่งพี่อ้ายบ่ว่า
อันนี้หยังเหลียวเบิ่งหน้า
ปากบานบาน ดั้งกะแปแป
(ดอกอ้อ) เจ้าว่าอิหยังก็เฒ่า
ให้ไผ๋ตายแค้นข่งแค้นไข่
ปากบานดั้งแปว่าไผ๋
ฟังบ่ชัดหรือหูข่อยแว
(ศร) ข่อยจ่มให้ซุมขี้เหล้า
งานบ่ส่อยละนั่งกินนั่งแช่
(ดอกอ้อ) แต่ข่อยได้ยินคักคัก
ซักงั๊กงั๊ก แง๊กแง๊กนั้นแหม
(ศร) คือหูหาเรื่องกันแท้
เจ้าอย่ามาละหาเรื่องข่อยเฒ่า
(ก้านตอง) เถียงกันหยังน้อเอื้อยอ้าย
มาผูกแขนเอิ้นขวัญบ่าวสาว
ว่าแต่พี่อ้ายนั้นเจ้า
มาส่งน้องเข้าห้องหอแหน่
เข้าห้องหอแหน่ เร็วเร็วอยากเข้าแล้ว
คาแต่เถียงกันยุนั้นละ
(ศร) หึย หนานผักชี สิหมุ่น
ยังบ่รู้จักอยู่ตินั่น หึย
(ก้านตอง) สละโสดเสียทีละน้อเรา
ได้แต่งงานนำเขาแล้วละหนา
แต่แปลกใจพี่อ้ายดื่มสุรา
เบิ่งสีหน้าอาการทรงร่อแร่
(ดอกอ้อ) เป็นอิหยังจั่งได๋บอกมาเฒ่า
ข่อยติดใจคำเว้าเจ้าคักแท้
คั้นเจ้าคิดเรื่องน้องเจ้าตายแน่
ตายแท้แท้ สิจัดให้ในทันที
(ศร) คิดไปคิดมาแล้วมันกลุ้ม
เขาสิเอาเสาลงหลุมแล้วอีหลี
บ่อยากคิดฮอดภาพในคืนนี้
โอ้คนดีน้องเมียพี่เสียดาย
(ก้านตอง) เอื้อยเอ๋ยอ้ายเอยบ่ต้องห่วง
บ่ต้องหวงน้องเมียดอกคักหลาย
หนานผักชีน้องสิหมุ่นก็ไม่ตาย
แต่ความดีเอื้อยอ้ายยังฮักแพง
แต่ความดีเอื้อยอ้ายน้องฮักแพง
(ก้านตอง) เอื้อยกับอ้ายบ่ต้องห่วงดอกเด้อ
ต่อไปนี้น้องสิมีคนดูแลแทนแล้ว
(ศร) โอ้ยหมุ่นแท้แท้ หมุ่นแท้แท้
หนานผักชีนี้หนอ
(ดอกอ้อ) เป็นอิหยังจั่งได๋บอกมาเฒ่า
ข่อยติดใจคำเว้าเจ้าคักแท้
คั้นเจ้าคิดเรื่องน้องเจ้าตายแน่
ตายแท้แท้ สิจัดให้ในทันที
(ศร) คิดไปคิดมาแล้วมันกลุ้ม
เขาสิเอาเสาลงหลุมแล้วอีหลี
บ่อยากคิดฮอดภาพในคืนนี้
โอ้คนดีน้องเมียพี่เสียดาย
(ก้านตอง) เอื้อยเอ๋ยอ้ายเอยบ่ต้องห่วง
บ่ต้องหวงน้องเมียดอกคักหลาย
หนานผักชีน้องสิหมุ่นก็ไม่ตาย
แต่ความดีเอื้อยอ้ายยังฮักแพง
แต่ความดีเอื้อยอ้ายน้องฮักแพง
โอ่... เฮ้ว...
(ศร) โอ้ยหมุ่นแท้แท้ หมุ่นแท้แท้
หนานผักชีนี้หนอ

ฟังเพลง กินดองน้องเมีย - ศร สินชัย,ดอกอ้อ ทุ่งทอง,ก้านตอง ทุ่งเงิน

ความคิดเห็นเพลง กินดองน้องเมีย - ศร สินชัย,ดอกอ้อ ทุ่งทอง,ก้านตอง ทุ่งเงิน