จีบแล้วบ่ขอ - ต่าย อรทัย

ชื่อเพลง

จีบแล้วบ่ขอ

ศิลปิน

ต่าย อรทัย

เนื้อเพลง จีบแล้วบ่ขอ - ต่าย อรทัย

ต่าย อรทัย - จีบแล้วบ่ขอ
คำร้อง สลา คุณวุฒิ
ทำนอง ขับเชียงขวาง ประยุกต์
เรียบเรียง สวัสดิ์ สารคาม
โอน้อ น้องขอส่งข่าวอ้าย ผู้เคยฝากความหวัง
ตั๋วน้องให้ฝันค้าง คอยทางมาโดนแล้ว
เทียวมาจีบมาเว้า เช้าค่ำกะมาแหว่
พอน้องให้ฮักแท้ ตัวอ้ายกะห่างลา น้ออ้ายเอ้ย...
โอน้อ ตอนอ้ายจีบไทบ้าน คู่สู่คนแนมเห็น
พออ้ายไปไกลเว้น เขาพากันนินทาน้อง
ว่าถืกถิ่มคักแล้ว เป็นหม้ายดอกค่าดอง
ย่างไปไสคนจ้อง น้องอายคำคนส่า เด้อ้ายเอ้ย...
จีบแล้วอ้ายบ่ขอ ตั๋วให้รอแล้วบ่แต่ง
นับนิ้วถ่าแหล่งๆ คึดฮอดแฮงกลืนน้ำตา
คึดฮอดแฮงกลืนน้ำตา กลับมาอ้ายกลับมา
ตลอดเวลาฮักอ้ายบ่ลืม ตลอดเวลาฮักอ้ายบ่ลืม...
โอน้อ หรืออ้ายไปติดบ่วง สาวบ้านอื่นคนใด๋
น้องติดต่อบ่ได้ อยากตามไปกะบ่กล้า
เห็นเพื่อนแต่งโฮฮ้อง เอิ้นขวัญกันแซวแซว
นั่งลี้ไห้ใจแป้ว ฟังแล้วสะเทือนใจ เด้อ้ายเอ้ย...
โอน้อ คันอ้ายยังฮักแท้ ให้ฟ้าวอ่วยมาขอ
พ่อแม่น้องยังรอ มาขอไวไวอ้าย
อย่าให้กลายปีนี้ คนดีให้มาแต่ง
ใจน้องคอยทาแป้ง รอแต่งอ้ายแต่ผู้เดียว เด้อ้ายเอ้ย...

ความคิดเห็นเพลง จีบแล้วบ่ขอ - ต่าย อรทัย