(เด็กพูด) แม่ใหญ่ แม่ใหญ่
(คนแก่) หา
(เด็กพูด) พาไปเบิ่งหมอลำแหน่
(คนแก่) ปะปะ สั่นตูสิพาไปเบิ่งดอก
หอบสังขารจากบ้านฟังลำ โอ๊ยห่าตำจั่งแม่นถืกคราวซวย ขี้เหล้าเฮ็ดผู้เฒ่าหนหวย หน้าฮ้านละปาน
เวทีมวย แล่นโดดข้ามหย่วยจนอ่วยโค้งหลงกัน
จูงหลานหนีกันวุ่นวาย ผู้เฒ่าย้านตายคั้วสาดไผสาดมัน ฟ้าวแฮง จนหลงสาดหลงหลาน
แค่งแย่งมาเปลี่ยนสาดเปลี่ยนหลาน จนได้ด่ากันอยู่จั่งซั้นเบิดคืน
(พูด) ซุมมึนกะมึนฮ้ายมึนขาด บ่มีมารยาทเห็นใจผู้เฒ่า ฆ่ากันบ่จักหยุดจักเซา กรรมการกะเข้าไปห้ามแหน่เปี๋ยง จับมันไปส่งตำรวจ จักค้อนจักขวดที่มันหวดมันเหวี่ยง ตีกันแบบบ่มีพี่เลี้ยง ทื้นแบบบ่เกี่ยงน้ำหนักกิโล ตีแบบบ่เลี้ยงจักไทเพิ่นไทโต
โมโหเทิงจ่มเทิงย้าย เทิงย้านตายเทิงเสียดายฟังลำ มาปูสาดตั้งแต่ยังบ่ค่ำ หลานสินอนคนกะแหย่นั่งนำ สิมาฟังลำยังแถมมวยให้กัน เทิงฮ้านกะเป็นฮ้ายพาโล เอาแต่เต้นโชว์บ่โงเข้านิทาน จั่งซี้เบิ่งวีซีดีอยู่บ้าน
กินเก็กฮวยในตู้เย็นหวาน หวาน บ่ทรมานวิ่งแข่งกันแฮ่ก แฮ่ก ชัก แหงก แหงก แหงก แหงก แหงก
ชัก ชัก แหงก แหงก แหงก แหงก แหงก
* (พูด) ขวดแรกมันกะบ่เป็นหยัง เต้นคนละฝั่งเบิ่งทางมวยกันอยู่ พอสองสามมันละหลูบหลี่หลู่
ไผห้ามบ่อยู่ตีฮอดหมู่เจ้าของ หลาบตายอยากมานั่งจ้อ จ้อ ถืกบังบ่พอยังถืกหย่อถืกหย่อง สิฟังลำกะฟังแบบบ่คล่อง พออยากปีบอยากฮ้อง ว่าผู้เฒ่าหนหวย อยากปีบอยากร้อง ว่าผู้เฒ่าหนหวย
( ซ้ำ * )