มื้อนี้จากมา ห่างตาห่างไกลคนดี จากน้องมาเพราะหน้าที่ ป่านนี้สิเป็นจั่งใด๋ อยู่ห่างไกลตา สัญญาเด้ออย่าไกลใจ ฮักเฮายังคงสดใส ด้วยใจต่อใจแม่นบ่ โทรหาทุกเซ้า เว้ากันทุกแลงบ่เบื่อ คิดฮอดมื้อละจักเทื่อ อยากให้เซื่อ เซื่ออ้ายเถิดหนอ แล้วใจเจ้าเด้ คิดคือกับอ้ายอยู่บ่ หรือแค่คำหวานหว่านล่อ พอวางสายวางอ้ายจากใจ * น้องเอ๋ย เจ้าฮู้อยู่แม่นบ่ ฮู้อยู่แม่นบ่ว่าอ้ายฮักเจ้าส่ำใด๋ หัวใจดวงนี้ยอมพลีให้เจ้าเมิดใจ ขอเพียงเจ้าอย่ามีไผ แทรกใจของเจ้าเด้อนาง มื้อนี่อยู่ไกล ฝากเพียงหัวใจมากอด ฝากคำหวานผ่านลมอ้อนออด ยังฮักคิดฮอดบ่วาง เส้นทางข้างหน้า บุกป่าฝ่าหนามกะซาง รับรู้ไว้เด้อเอวบาง ว่าอ้ายฮักนางคือเก่า (ซ้ำ *) รับรู้ไว้เด้อเอวบาง ว่าอ้ายฮักนางบ่เปลี่ยนแปลง