ตำบักหุ่ง

ตำบักหุ่ง

คำร้อง / ทำนอง : นันท์ ธนากร เรียบเรียง : สุวิทย์ เบ็ญสีใส

ดึก ดึก ดึก ดื่น ดื่น ฮอดยามค่ำคืน มันนอนบ่หลับ เป็นกระส่ายกระสับ หยับ หยับ ย้าย ย้าย บ่เป็นตาอยู่

ได้ยินเสียงครวญคราง จากห้องข้าง ข้าง มันดังเข้าหู ใจมันอยากสิฮู้ อยากไปแอบดู แท้หนอ แท้หนอ

เสียงอึกอัก อึกอัก คือเฮ็ดกันคัก แท้สู แท้สู ฮู้.. บ่คิดหลูโตนผู้ที่อยู่คนเดียว แหน่บ้อ แหน่บ้อ

เสียมารยาทกะซ่าง จั่งใด๋ต้องหย่างไปเบิ่งให้พ้อ ภาพที่เห็นเต็มจอ คือโพดแท้หนอ บ่คาดฝัน

* โอ๊ย....เขากินตำบักหุ่ง อ้า โอ๊ย เขาเผ็ดตำบักหุ่ง อ้า โอ๊ย...เสียงเขากระทุ้ง เป็นเสียงตำบักหุ่ง

ซั่นดอกหวา ฮ่า ฮ่า ฮ่า ฮ่า

** ตำบักหุ่งของแซบของคนอีสาน มีมานมนาน ตั้งแต่สมัยคุณปู่ คุณตา ตำลาว ตำไทย ตำปู

ตำมั่ว ตำซั่ว ตำป่า แซบคักแท้หนา มากินเด้อหล่า กินตำบักหุ่ง

ซงคือสิแซบหลาย จนว่ายางตาย มันย้อยป๊อก ป๊อก ดูดฮอดในบักกอก ปาปาย่าป๊อก ป๊อก แซบหลาย แซบหลาย เตือนด้วยความเป็นห่วง เดี๋ยวสิท้องร่วงเด้อสหาย อย่าพากันกินหลาย อันตรายเดี๋ยวขาหล่อย

(ซ้ำ * / **)

พี่น้องคนอีสาน เขาเอิ้นว่าตำบักหุ่ง พี่น้องคนเมืองกรุง เขาเอิ้นว่าส้มตำ สิเอิ้นจั่งใด๋กะซ่าง