เนื้อเพลง · Lyrics
เอิ้นหาความฮัก
คำร้อง / ทำนอง สลา คุณวุฒิ
เรียบเรียง ธีระพงษ์ ศักดิ์แก้ว
โอ้ล่ะหนอ อยู่ไสเล่าน้อความฮัก
แผ่นดินหัวใจแห้งผาก ส่องหาคนฮักกันบ่เห็น
หรือลมแห่งความชิงชัง หอบใจฮักจางห่างเว้น
เฮาจึงฮักกันบ่เป็นบ่เห็นเส้นทางสร้างใจ
มาเด้อขวัญฮักไปเสียหลักหลงทางอยู่ไส
ผูกแขนฮักด้วยฝ้ายใจ ฮักหายหัวใจเอิ้นหา
ฮักเอยอยู่ไส หลงทางคืนใจแล้วซั่นบ่
ตั้งตารอดนแล้วหนอ ฮักก็บ่มา
หรือถูกความชิงชัง มาขีดเส้นขวางบังใจบังตา
แผ่นดินละอุดมเสียงด่า พืชพันธุ์ปัญหาเกิดเต็มผืนใจ
ฮักเป็นจั่งใด๋ จำหน้าบ่ได้อีกแล้วล่ะเด
บ้านอื่นเพิ่นเฮ แต่บ้านเฮาเซ เพราะความวุ่นวาย
ความฮักอย่างเดียวเท่านั้น ที่จะสร้างสรรค์รอยยิ้มแต้มใจ
เอิ้นขวัญฮักที่ร้างไกล เพลินอยู่ที่ไหน หัวใจฮำฮอน
